الكبدة مكمل فيتامينات طبيعي

من منظور الفيتامينات، الكبدة في العموم Multivitamin طبيعي، وبلا مبالغة تغلب أي مكمل هاتروح تشتريه من غير وصفة طبية (OTC). الكبدة كانت سبب في إكتشاف فيتامين ب٧، وب٩، وب١٢ من كثر قوتها.

لو أنت شخص بالغ (رجل أو امرأة بإستثناء السيدات الحوامل والمرضعات)، وعمرك مابين 19 إلى 50 سنة، فا 200 جم (وزن غير مطهي) بس من كبدة الفراخ، هاتوفر لك الآتي من الجرعات الموصى بها من الفيتامينات.

علشان أرخص، وبالتالي أسهل في الحصول عليها لمعظم الناس.

أيوه، بس مش هانسميها محاذير علشان مايكونش في قلق ملوش داعي، ولكن نصيحة. أنت شايف جرعة فيتامين زي فيتامين أ في 200 جم منها بس عامل إزاي، ده بلغة ثانية نقدر نترجمه لتقريباً ضعفين الحد الأقصى من الجرعة اليومية المسموحة لفيتامين أ. هو صحيح سمية فيتامين أ (Hypervitaminosis A) بتبدأ من جرعات 10 أضعاف الحد الأقصى ومحتاجة كمان تكون على مدى شهور أو سنوات، ولكن برضو مش صح أبداً نعدي الحدود القصوى للفيتامينات. بالتالي، كفاية مرة واحدة في الإسبوع أو مرتين بكميات أقل.

ملحوظة قبل الجواب، أي حاجة هاتتقال بخصوص الموضوع ده هي لأغراض المعرفة العامة فقط. رجاءً، بلاش نصائح من الإنترنت في الفترات الحرجة واللي محتاجة رعاية خاصة، الصح مراجعة الطبيبة المختصة.

مافيش حاجة إسمها الكبدة بتسبب تشوهات في الأجنة، طب إيه الموضوع؟

زي ما واضح في الصورة، كمية صغيرة من الكبدة، رفعت جرعات بعض الفيتامينات لـ 10 أضعاف الجرعة اليومية الموصى بها أو أكثر، من ضمن الفيتامينات دي فيتامين أ. فيتامين أ بالأخص أشكال محددة منه، الجرعات العالية منها أثناء الحمل بتتزامن مع حدوث حالات تشوه للأجنة (Teratogenic Effect).

هل ده معناه إن فيتامين أ خطر؟

لأ طبعا! السيدات مبدئياً بيحتاجوا جرعات يومية أعلى من الطبيعي من فيتامين أ أثناء الحمل والرضاعة، والفيتامين ده له دور أساسي في تطور الجنين.

أول مانعدي الحد الأقصى، بالرغم إن مابين الحد الأقصى و10 أضعافه، الأدلة البحثية فيه متضاربة، لكن إحنا للأمان بنقف عند الحد الأقصى ومش مفروض أصلاً نوصل له.

الكبدة 200 جم منها، عدت الحد الأقصى مرتين تقريباً، ولذلك إستهلاكها في الفترة دي محتاج تركيز مع إستشارة الطبيبة المختصة.

لو حاب تتعلم بالتفصيل عن الفيتامينات، اضغط هنا.